ინგლისის ეროვნული ნაკრებისა და "ლივერპულის" ყოფილი მცველი ჟოზე მოურინიოს თაობაზე კომენტარს აკეთებს და აცხადებს, რომ პორტუგალიელი თავისი განცხადებებით პრობლემებს იქმნის, თუმცა მისგან ეს არ უკვირს, განსხვავებით "იუნაიტედის" გულშემატკივრებისგან.

"როდესაც მოურინიო ახალგაზრდებზე ასე საუბრობს, ის ამით საკუთარ თავს პრობლემებს უქმნის. "მანჩესტერ იუნაიტედი" ყოველთვის ასოცირდებოდა ახალგაზრდა ფეხბურთელებთან და ბუნებრივია, რომ გულშემატკივრებს ჟოზეს ეს კომენტარები არ მოეწონათ"

"რა თქმა უნდა, ეს ამხანაგური მატჩებია, მაგრამ მწვრთნელებს ასეთ მატჩებშიც სურთ გამარჯვება. ამ თამაშებს მილიონობით ადამიანი ადევნებს თვალს და მწვრთნელები თავის წილ ზეწოლას აქაც განიცდიან."

"მახსენდება პერიოდი, როდესაც "ლივერპულს" ჟერარ ოულიე წვრთნიდა. ამხანაგურ მატჩებში ცუდი შედეგები დავაფიქსირეთ, ამის შემდეგ კი ტრავმირებულ მაიკლ ოუენს აიძულა ეთამაშა, რადგანაც კიდევ ერთი ცუდი შედეგის დაფიქსირება აღარ სურდა"

"მოურინიოს შესაძლებლობებში ეჭვი არ მეპარება და ვთვლი, რომ ის გამარჯვებული და ტოპ მწვრთნელია. სიმართლე გითხრათ მიკვირს "იუნაიტედის" ფანების და მინდა მათ ვუთხრა, თქვენ ახლა გაიცანით ჟოზე მოურინიო და მისი სათამაშო სტილი ? ეს ტიპური მოურინიოა და ეს არის მასში განსხვავებული. მე არ ვიცი რატომ ელოდნენ მისგან განსხვავებულ ფეხბურთს. ის ყოველთვის ქმნის პრობლემას როგორც მოედანზე, ასევე მის გარეთ, მაგრამ კიდევ ერთხელ გავიმეორებ, რომ ის ტოპ მწვრთნელია. რა ელოდება ჟოზეს ? მან ამ სეზონში აუცილებლად უნდა მოიგოს ერთი დიდი ტიტული, თუ ეს ასე არ მოხდა, ჩემი ვარაუდით ის "მანჩესტერ იუნაიტედს" სეზონის ბოლოს დატოვებს"

წყარო:Talksport