"მანჩესტერ იუნაიტედის" მთავარმა მწვრთნელმა ჟოზე მოურინიომ, წინასასეზონო სამზადისზე ისაუბრა და განაცხადა, რომ გუნდისთვის ძალიან ცუდი პრე სეზონი მიმდინარეობს, გუნდში მოთამაშეების სრული განაცხადი არ არის.
"საჭიროა ითქვას, რომ ჩვენთვის პრე - სეზონი ძალიან ცუდად მიმდინარეობს. დიახ, რა თქმა უნდა დადებითი მომენტებიც არსებობს. ახალგაზრდა ფეხბურთელებისთვის ეს არის შესანიშნავი შანსი, გაიგონ მათ თუ რას ნიშნავს იყო "მანჩესტერ იუნაიტედის" ფეხბურთელი, შანსი იმისთვის, რომ ითამაშო ტოპ - მოთამაშეების წინააღმდეგ. სამწვრთნელო შტაბში სამი ახალი ასისტენტი მყავს, ისინი ჩემ მოთხოვნებს გააცნობიერებენ და ახალ რეალობაში ერთად ვიმუშავებთ. ამერიკის შეერთებული შტატების მიერ ორგანიზებული ეს პრე სეზონი შესანიშნავია ისევე როგორც პირობები.
მე აღელვებას არ გამოვხატავ იმიტომ, რომ ჩვენ ვეთამაშებით "ლივერპულს", "რეალს" და "მილანს", არამედ იმიტომ, რომ გუნდში მოთამაშეები სრულად არ მყავს. შევეცდებით მაქსიმალურად შევავსოთ დანაკლისი. კარგი შანსია შოუსთვის, პერეირასთვის, ბაიისთვის. ასევე არენდით დაბრუნებული ფეხბურთელებისთვის.
მატიჩი, დე ხეა და ფრედი მომავალ კვირაში შემოგვიერთდებიან. დაზუსტებით არ ვიცი შემოგვიერთდება თუ არა ტურნეს განმავლობაში ალექსისი. ის ძალიან იმედგაცრუებულია. ეს ცუდი მდგომარეობაა მთლიანად გუნდისთვის. დამნაშავე ამ სიტუაციაში არავინაა. კლუბი ყველფერს აკეთებს ამ პრობლემის მოსაგვარებლად. პატივს ვცემ ამერიკის ხელისუფლებას და მათი ვიზების გაცემის სისტემას. ვიმედოვნებ, ალექსისი შემოგვიერთდება. მნიშვნელოვანია, მატას, მარსიალისა და ალექსისის შეთამაშება, ვფიქრობ სეზონს ისინი დაიწყებენ შეტევაში.
ტრანსფერები? არ ვიცი ვინ შემოგვიერთდება და ვინ არ შემოგვიერთდება. ჩვენ შევიძინეთ ლი გრანტი, რადგან ჟოელ პერეირა ახალგაზრდა პერსპექტიული მეკარე, მას სათამაშო პრაქტიკა ესაჭიროება. ჟოელი არენდით წავა. ჩვენ კი გრანტი გვეყოლება მის ნაცვლად. ფრედი? ეს არის ფეხბურთელი რომელსაც დიდი ხნის განმავლობაში ველოდებოდით, მან ჩვენი ნახევარდაცვა უნდა შეავსოს". - განაცხადა დასასრულს ჟოზემ.