თითქმის ყოველ სატრანსფერო ფანჯარაზე, მადრიდის "რეალის" პორტუგალალიელ ვარსკვლავს კრიშტიანუ რონალდუს, პრესა "იუნაიტედში" დაბრუნებას უწინასწარმეტყველებს.
არც წლევანდელი სატრანსფერო ფანჯარაა გამონაკლისი. გამომდინარე იქიდან, რომ ჩემპიონთა ლიგის ფინალის დასრულების შემდეგ, რონალდუმ ესპანური გრანდის დატოვებისკენ მიანიშნა, პრესაც უმალ გააქტიურდა.
ზოგიერთი წამყვანი სპორტული გამოცემები კრიშტიანუს ისევ "ოლდ ტრაფორდს" უკავშირებდნენ, თუმცა ბოლო დროინდელმა პრესის ფურცლებმა სრულიად სხვა ინფორმაცია მიაწოდა გულშემატკივარს.
არც მეტი არც ნაკლები პორტუგალიელი შემტევი კარიერას იტალიურ "იუვენტუსში" გააგრძელებს. Marca - იუწყება, რომ ოქროს ბურთის ხუთგზის მფლობელმა პირად შეთანხმებას ტურინულ გრანდთან უკვე მიაღწია და თავად კრიშტიანუმაც სახლის ძებნა ტურინში უკვე დაიწყო.
ცნობილია სატრანსფერო ფასიც, იტალიელები 33 - წლის ფეხბურთელის სანაცვლოდ 100 მილიონ ევროს გადაიხიან. ზოგიერთი წყარო 120 მილიონს წერს. კონტრაქტი 4 წლის ვადით გაფორმდება.