"სამი ლომის" წარმომადგენლების მთავარი მწვრთნელი გარეთ საუთგეიტი, პანამის ეროვნული ნაკრების წინააღმდეგ დამაჯერებელი გამარჯვების მოპოვების შემდეგ კომენტარს აკეთებს და ჯესი ლინგარდის მიმართ საქებარ სიტყვებსაც არ იშურებს.
"ჩემთვის ძალიან სასიამოვნოა, რომ გამანადგურებელი ანგარიშით გავიმარჯვეთ. პირველ ტაიმში ბევრი საინტერესო იდეა განვახორციელეთ მოედანზე.
ძალიან მოხარული ვარ ასევე ჯესი ლინგარდის თამაშით, მან ფანტასტიკური გოლი გაიტანა. გუნდი ძალიან კარგად თამაშობდა, ეს იყო დიდებული დღე. არ მომეწონა, რომ ჩვენ მაინც ვერ შევინახეთ კარი მშრალად. თუმცა ძნელია შენი ფეხბურთელები გააკრიტიკო ასეთი გამარჯვების შემდეგ.
აღსანიშნავია ასევე ის, რომ ამინდი ძალიან ცხელი იყო. მოთამაშეები მაღალი წნევის ქვეშ თამაშობდნენ, თუმცა ახლა ჩვენ უბრალოდ უნდა ვისიამოვნოთ ამ გამარჯვებით და გზა გავაგრძელოთ.
ჩვენ კიდევ უნდა განვავითაროთ გუნდი, ბელგიელების წინააღმდეგ გამართულ შეხვედრაშიც სიამოვნება უნდა მივიღოთ". - განაცხადა საუთგეიტმა დასასრულს.