ზაფხულის ერთ - ერთი სატრანსფერო საგად, უცილობლად შეიძლება ჩაითვალოს მადრიდის "რეალის" უელსელი შემტევის გარეთ ბეილის "მანჩესტერ იუნაიტედში" ტრანსფერი. "წითელი ეშმაკები ფეხბურთელის მიმართ ინტერესს აქტიურად გამოხატავენ.
გიგზის შეგირდმა გადაწყვეტილება უკვე მიიღო და მას "ოლდ ტრაფორდზე" გადასვლა არ სურს. - იუწყება Daily Star.
აღნიშნული საინფორმაციოს წყაროს ცნობით, ბეილმა თანაგუნდელებს უკვე აცნობა, რომ ის მადრიდში თავს ბედნიერად გრძნობს და დაინტერესებულია ფლორენტინო პერესის გუნდის ახალ მწვრთნელთან ხულენ ლოპოტეგთან მუშაობით.
გარეთის წარმომადგენლებმა უკვე შეაჩერეს "წითელ ეშმაკებთან" მოლაპარაკებები.
შეგახსენებთ, რომ აქამდე 28 - წლის გარემარბი, ჟოზე მოურინიოს გუნდის მთავარ სატრანსფერო სამიზნედ ითვლებოდა. ინგლისელები მზად იყვნენ მასში 110 - მილიონი ევრო გადაეხადათ თუმცა როგორც ჩანს მათი სურვილები ფეხბურთელის სურვილებს არ დაემთხვა.
ბეილი "სანტიაგო ბერნაბეუზე" 2013 - წლიდან ასპარეზობს. 2017/18 - წლების სეზონში მის ანგარიშზე მადრიდელთა მაისურით ჩატარებულ 44 შეხვედრებიდან, 21 - გატანილი გოლია.