პოჩეტინოს ფრანგი ფეხბურთელისთვის თანხა გამოყოფილი აქვს.
როგორც ჩანს, მაურისიო პოჩეტინოს "ტოტენჰემი", დანებებას არ აპირებს. "დეზები" "წითელ ეშმაკებს", ფრანგი შემტევის ანტონიო მარსიალის სანაცვლოდ მაცდურ წინადადებას სთავაზობენ.
Daily Mail - ის მიერ გაჟღერებული ცნობით, მოსალოდნელია, რომ 22- წლის თავდამსხმელის სანაცვლოდ, ლონდონელებმა "ოლდ ტრაფორდის" ხელმძღვანელობას 60 - მილიონი ევრო შესთავაზონ.
ძნელი სათქმელია დასთანხმდებიან თუ არა მანჩესტერელები ამ წინადადებას თუმცა ფაქტია, რომ მარსიალს მეტი სატამაშო დროის მიღებ სურს მისი ამჟამინდელი კლუბისგან.
აქამდე გავრცელდა ინფორმაციებიც, რომ ვუდვორდი მარსიალს, ახალი კონტრაქტის დეტალებზე შესათანხმებლად მოლაპარაკებებზე იწვევდა. თუმცა როგორც ჩანს მისი შესაძლო წასვლის შესახებ გამოცემები ისევ ალაპარაკდნენ. ოფიციალური ცნობები "იუნაიტედის" პრეს - სამსახურიდან ამ დრომდე არ გაკეთებულა.
შეგახსენებთ, რომ მარსიალი "იუნაიტედში" 2015 - წელს ფრანგული "მონაკო" - დან გადაბარგდა. ამჟამად უკვე დასრულებული სეზონის დასაწყისში, ანტონიო, ჟოზე მოურინიოს გეგმებში ხშირად ჯდებოდა, თუმცა ზამთრის ტრანსფერის შემდეგ, როდესაც "ოლდ ტრაფორდზე" ალექსის სანჩესი გამოჩნდა, მარსიალის სათამაშო დრო სულ უფრო შემცირდა, სწორედ ეს გახდა ფრანგის უკმაყოფილების მიზეზი.
წყარო:
euro-football.ru