"იუნაიტედი" ბრაზილიელს ოფიცილურად ხვალ წარადგენს.
Manchester Evening News - ის ცნობით, "შახტარის" ბრაზილიელი ნახევარმცველის ფრედერიკო როდრიგესის, იგივე ფრედის ტრანსფერი ინგლისურ გრანდ "მანჩესტერ იუნაიტედში" შესაძლოა ხვალ გაოფიციალურდეს.
ბრაზილიის ეროვნული ნაკრებისა და "შახტარის" ნახევარმცველი კარინგტონზე სამედიცინო შემოწმებას სულ მალე გაივლის, რის შემდეგაც ფეხბურთელის აგენტი ფაბიო მელო, რომელიც ჟილბერტო სილვასთან ერთად ფრედის ინტერესებს წარადგენს, მოლაპარაკებების ფინალურ რაუნდს ორშაბათს "წითელი ეშმაკების" ხელმძღვანელობასთან გამართავს.
ცნობილია ისიც, რომ ფეხბურთელი "იუნაიტედთან" 4 - წლიან კონტრაქტს მოაწერს ხელს, დამატებული ერთ წლიანი შესაძლო ხელშეკრულების გახანგრძლივების პუნქტით.
ბრაზილიური ტელეარხი Globo Esporte - ასევე იუწყება, რომ ნახევარმცველი სამედიცინო შემოწმებას ორშაბათს გაივლის და პირადი კონტრაქტის დეტალებსაც შეათანხმებს, ხოლო ამის შემდეგ ის ეროვნული ნაკრების შეკრებას შეუერთდება ლონდონში.
სატრანსფერო ფასს რაც შეეხება, ვუდვორდმა შეძლო და უკრაინელები ფეხბურთელის სანაცვლოდ 55 - მილიონ ევროს მიღებაში დაარწმუნა. ხოლო თავის მხრივ, "მაღაროელებს" ბრაზილიელის სანაცვლოდ 70 - მილიონი ევროს მიღება სურდათ.
წყარო:
manutd.ru