ტურინის "იუვენტუსის" ბრაზილიელი მარცხენა მცველის ალექს - სანდროს შემდეგ, "წითელ ეშმაკებმა" თვალი კიდევ ერთი გრანდის, კატალონიის "ბარსელონას" ესპანელ მარჯვენა მცველ, ხორდი ალბას დაადგეს.
როგორც ცნობილი გამოცემა - Thesun - იუწყება, 29 - წლის ფეხბურთელს ახალი ხელშეკრულება კატალონიურ გრანდთან ჯერ კიდევ არ გაუფორმებია, რაც გახდა მიზეზი იმისა, რომ ჟოზე მოურინიოს გუნდს მცველის მიმართ ინტერესი გაეღვივებინა.
ალბას აგენტი "ბარსელონას" უტევს და აცხადებს, რომ მისი კლიენტი უკვე წელიწადნახევარია კლუბისგან ახალ პირობებს ელოდება, თუმცა პასუხები ჯერ კიდევ არ არის.
ლა ლიგის დასრულებულ სეზონში ალბამ შესანიშნავი შედეგი დააფიქსირა. ესპანეთის ჩემპიონატში ჩატარებულ მატჩებში, ხორდიმ საკუთარ აქტივს 2 გოლი და 8 საგოლე გადაცემა შემატა.
აღსანიშნავია ისიც, რომ გარდა "მანჩესტერ იუნაიტედის" ინტერესისა, მისით ლონდონის "ჩელსიც" დაინტერესებულია.