"მანჩესტერ იუნაიტედის" ფრანგი ფეხბურთელი ენტონი მარსიალი, რომლის გუნდიდან წასვლაზე სულ უფროდაუფრო ხშირად იწერებოდა, კლუბისგან ახალი ხელშეკრულების პირობებს მოისმენს.

"იუნაიტედი" მარსიალის ამჟამინდელი კონტრაქტის რომელიც კიდევ ერთ სათამაშო სეზონზეა გათვლილი, გახნგრძლივებას გეგმავს. თავის მხრივ ფეხბურთელიც მზად არის, ხელმძღვანელობის შეთავაზება მოისმინოს და ხელსაყრელი პირობების შემთხვევაში ხელშეკრულებას ხელიც მოაწეროს.

"მანჩესტერელები" მაქსიმალურად ეცდებიან მარსლიალის "ოლდ ტრაფორდზე" კიდევ დიდი ხნით დატოვებას. გუნდში ალექსის სანჩესის მოსვლის შემდეგ 22 - წლის შემტევი ჟოზე მოურინიომ სკამზე დასვა, რის გამოც მას კლუბის დატოვების სურვილი გაუჩნდა.

შეგხსნებეთ მარსიალი "იუნაიტედმა" სამი წლის წინ 57,6 მილიონად შეიძინა ფრანგულ კლუბ "მონაკო" - დან. მიმდინარე სეზონში პრემიერ ლიგაში ჩატარებულ შეხვედრებში "იუნაიტედის" 11 - ნომერმა თავი 9 გოლით და 5 სგოლე გადაცემით გამოიჩინა.



წყარო: Thesun