ჟოზე მოურინიო გადა სხვა პოზიციების გაძლიერებისა, აქტიურად ფიქრობს დაცვის მარჯვენა ფლანგის გაძლიერებაზე, რადგან ასაკში შესულ ვალენსიას როტაცია ესაჭიროება. მწვრთნელის სატრანსფერო სამიზნეებში შედიან ისეთი მცველები როგორებიც არიან: ტობი ალდერვეირელდი, სამუელ უმტიტი, დენი როუზი და ალექს სანდრო.

თუმცა, გავრცელებული ცნობების თანახმად "იუნაიტედს" ახალი სამიზნე ჰყავს, მარჯვენა მცველი ჯიბრილ სიდიბე. ფეხბურთელის თაობაზე მოურინიო ფრანგულ კლუბს აუცილებლად მიმართავს. საქმე ეხება "მონაკოს", რომლის ღირსებასაც ფრანგი ფეხბურთელი ამჟამად იცავს. გარდა "მონაკოსა", ჯიბრილი საფრანგეთის ეროვნული ნაკრების წევრიც არის.

France Football - ის ცნობით, "მანჩესტე იუნაიტედმა" ფრანგულ კლუბთან არაოფიციალური მოლაპარაკებები უკვე გამართა. "წითლები" იმედოვნებენ, რომ 25 - წლის მარჯვენა მცველს მიმდინარე სატრანსფერო ფანჯარაზე გაიფორმებენ.

სიდიბეს მიმართ ინტერესს, ესპანური კლუბი მადრიდის "ატლეტიკოც" გამოთქვამს. გასულ სეზონში სიდიბემ "მონაკოს" მაისურით ლიგა 1 -ში ჩატარებულ შეხვედრებში, საკუთარ აქტივს 2 გოლი და 7 საგოლე გადაცემაც შესძინა.