"მანჩესტერ იუნაიტედი" ეცდება ესპანურ გრანდ მადრიდის "რეალს" წინააღმდეგობა გაუწიოს, ფრანგული "პსჟს" ბრაზილიელი სუპერვარსკვლავის ნეიმარის შესაძენად.

მსოფლიო პრესა აჭრელებულია იმ ინფორმაციებით, რომ ნეიმარს თითქოს კლუბის გამოცვლა და ახალი გამოწვევების მიღება სურს. ზოგნი წერენ იმასაც, რომ მას ესპანეთში დაბრუნება და "ბლანკოსის" მაისურის მორგება სურს.

სრულიად საპირისპირო ინფორმაცია გაჟღერდა Mirror - ის მიერ, თუ მათ დავუჯერებთ, "მანჩესტერ იუნაიტედი" ზაფხულში მსოფლიო ტრანსფერების ისტორიაში რეკორდს მოხსნის და ნეიმარის სანაცვლოდ 226 მილიონ ევროს გადაიხდის. "წითელი ეშმაკები" ნეიმარს ასევე გადაუხდიან იმდენს, რამდენიც მას ფრანგულ გრანდში აქვს.

წყაროს ცნობით, "ოლდ ტრაფორდის" ხელმძღვანელობა ასევე ეცდება იმ ბერკეტის გამოყენებას, რომელიც ეფუძნება ნეიმარის მამის სურვილს. ადრე გაჟღერებული ინფორმაციებით ნეიმარის მამას სურს, რომ ერთხელაც მისმა ვაჟმა "მანჩესტერ იუნაიტედის" მაისური მოირგოს.