"წითელი ეშმაკების" მიერ დიდი ხნის წინ დასახული გეგმა, შესაძლოა ზაფხულის სატრანსფერო ფანჯრის გახსნისთანავე რეალობად იქცეს. საქმე ეხება რომის "ლაციოს" სერბ ნახევარმცველს სერგეი მილინკოვიჩ - სავიჩს.
ფეხბურთელი მოურინიოს სამიზნე მას შემდეგ გახდა, რაც გუნდში ახალი ნახევარმცველების მოყვანის საჭიროება დადგა დღის წესრიგში.
The Sun - ის მიერ გავრცელებული ინფორმაციებით, "მანჩესტერ იუნაიტედმა" ახალგაზრდა ნიჭიერი ნახევარმცველის ტრანსფერი იტალიელებთან უკვე შეათანხმა და სავიჩი ზაფხულში "ოლდ ტრაფორდზე გადმობარგდება.
სატრანსფერო ფასს რაც შეეხება სერგეი "წითელ ეშმაკებს" 90 მილიონი ევრო დაუჯდებათ. თუმცა როგორც ჩანს ეს კოლოსალური თანხა "გლეიზერების" ოჯახს არ აბრკოლებს.