იტალიური "ნაპოლის" ბელგიელ შემტევმა დრის მერტენსმა შესაძლოა კარიერა ინგლისურ პრემიერ ლიგაში გააგრძელოს. მისით ჟოზე მოურინიოს "იუნაიტედი" და ლონდონის "არსენალი" ინტერესდებიან. იუწყება - Calciomercato.

პორტუგალიელ სპეციალისტმა ცოტა ხნის წინ კლუბიდან ზლატან იბრაჰიმოვიჩი გაუშვა. შვედს არსებული კონტრაქტი ამოეწურა და ამერიკის ჩემპიონატს მიაშურა. შესძლოა მოურინიო მის შემცვლელზეც ფიქრობდეს და სავარაუდოა ისიც, რომ "ოლდ ტრაფორდზე" დრის მერტენსი ვიხილოთ.

თავის მხრივ 22 წლიანი მუშაობის შემდეგ სეზონის დასასრულს, კლუბს ემშვიდობება არსენ ვენგერი. "მეთოფეები" ცვლილებების ახალ ეტაპს იწყებენ და ფეხბურთელების ახალი სახეებიც სჭირდებათ. დრის მერტენსი კი მათ რიგებში მიმსვლელ ერთ-ერთ კანდიდატად სახელდება.

30 - წლის ფეხბურთელს მიმდინარე კონტრაქტი "ნაპოლისთან" 2020 წელს ეწურება. მიმდინარე სეზონში მერტენსის ანგარიშზე სერია ა - ში ჩატარებული შეხვედრებიდან 17 გოლი და 7 საგოლე გადაცემაა.

გსურთ მერტენსი "იუნაიტედში"?

დიახ

არა

ხმის მიცემა შედეგები