"იუნაიტედის" ბელგიელი ნახევარმცველი მარუან ფელაინი კლუბთან ახალი კონტრაქტის შესახებ მოლაპარაკებებს აწარმოებს. თითქმის უკვე გადაწყვეტილია, რომ "წითლების" ტანმაღალი ფეხბურთელი გუნდის ღირსებას მომავალ სეზონშიც დაიცავს.
კლუბის ხელმძღვანელობას 30 - წლის ფეხბურთელთან რამოდენიმე წელზე გათვლილი კონტრაქტი არ სურთ. სავარაუდოდ ხელშეკრულება 1+1 სისტემით გაფორმდება. თუმცა ფელაინის სურვილები განსხვავებულია. მას კლუბისგან ორწლიანი ან სამწლიანი კონტრაქტის მიღება სურს. იუწყება Daily Mail
შეგახსენებთ პრემიერ ლიგის გასულ ტურში, "არსენალის" წინააღმდეგ შეცვლაზე შემოსულ მარუან ფელაინიმ დამატებით დროში გოლი გაიტანა და საკუთარ კლუბს სამი ქულა მოუტანა. როგორც ჩანს პორტუგალიელი სპეციალისტის გეგმებში მარუან ფელაინი ჯერ კიდევ შედის.