ბრიტანული მედიის მიერ გავრცელებული ინფორმაციით, ზაფხულის მიმდინარე სატრანსფერო ფანჯარაზე მარსიალი გუნდს დატოვებს.
22 წლის ფრანგი გუნდში მისი მდგომარეობით უკმაყოფილოა, რადგან სასტარტო შემადგენლობაში მოხვედრას ვერ ახერხებს და მხოლოდ შეცვლაზე შესვლებს სჯერდება.
პრემიერ ლიგის ეგიდით ჩატარებულ ბოლო ხუთ შეხვედრაში ენტონიმ მხოლოდ ერთი მატჩი დაიწყო სასტარტო შემადგენლობაში და შესანიშნავად აცნობიერებს, რომ სანამ მოურინიოს გუნდი მის გარეშეც იმარჯვებს, ვითარების შეცვლა გაუჭირდება.
მიმდინარე სეზონში მარსიალს, რომელიც "იუნაიტედში" "მონაკოდან" გადავიდა 2015 წელს 58 მილიონ ფუნტად განხორციელებული ტრანსფერის სანაცვლოდ, ყველა ტურნირზე ჩატარებულ 40 მატჩში 11 გოლი და 10 საგოლე გადაცემა აქვს გაკეთებული.
ფრანგს კლუბთან მიმდინარე კონტრაქტი 2019 წლის ზაფხულამდე აკავშირებს.