ხვალ პრემიერ ლიგის 33 - ე ტურის მატჩები გაიმართება, ცენტრალური მატჩი თბილისის დროით 20:30 სთ - ზე დაიწყება.

დერბი რომელსაც "მანჩესტერ სიტი" მასპინძლობს, შესაძლოა საჩემპიონო აღმოჩნდეს გვარდიოლას გუნდისთვის თუ რა თქმა უნდა ჟოზე მოურინიოს "იუნაიტედს" დაამარცხებს. მოურინიოს აზრით "წითელ ეშმაკებს" პრემიერ ლიგის ოთხეულშიც კი არ აქვთ ჯერ ადგილი გარანტირებული.

"ჩემი მოტივაცია იქნება მეორე ადგილის დაკავება წლევანდელ სეზონში. მათემატიკურად ჩვენ გარანტირებული არც ოთხეულში მოხვედრა არ გვაქვს. ჩემთვის ეს მთავარი ამოცანაა, არ ვმალავ რომ მეორე ადგილზე გასვლა მსურს.

სინამდვილეში მნიშვნელობა არ აქვს მეორე ადგილს დაიკავებ, მესამეს, თუ მეოთხეს, თუმცა ჩვენ ამ პოზიციაზე თვეების განმავლობაში ვიმყოფებით. დავალება შემდეგია - ხვალინდელ შეხვედრაში ქულების აღება და მეორე ადგილის გამყარება". - ციტირებს Sky Sports მოურინიოს სიტყვებს.