ვრცელდება ინფორმაცია, რომ "მანჩესტერ იუნაიტედის" მთავარი მწვრთნელს, ჟოზე მოურინიოს დაცვის ხაზის გაძლიერება "ბარსელონას" მცველის, სამუელ უმტიტის საშუალებით სურს.

პორტუგალიელი ჩემპიონთა ლიგიდან გავარდნასა და პრემიერ ლიგის ჩემპიონობისთვის ბრძოლაში უუნარობას დაცვის ხაზს აბრალებს, რის გამოც მის გადახალისებას გეგმავს. პროცესს შოუ, დარმიანი და ბლინდი შეეწირებიან, მათ ნაცვლად კი ჟოზე ალექს სანდროსა და სამუელ უმტიტის შეძენას აპირებს.

გავრცელებულ ჭორებს თავად ფეხბურთელიც გამოეხმაურა და განაცხადა, რომ მისი ოცნება "ბარსელონაში" თამაშია.

"ჩემით არა მარტო "იუნაიტედი", არამედ სხვა კლუბებიც ინტერესდებიან, მაგრამ ჩემი ოცნება "ბარსაში" თამაშია და ის ავიხდინე. თუმცა, ახალ კონტრაქტზე მოლაპარალებები არ დაგვიწყია და არც ჩემი გამოსასყიდი თანხაა ძალიან დიდი" - განაცხადა ფრანგმა ფეხბურთელმა.

24 წლის ფეხბურთელს "ბარსელონასთან" კონტრაქტი 2021 წლის ზაფხულამდე აკავშირებს. უმტიტიმ ესპანური კლუბის მაისურით მიმდინარე სეზონში ყველა ტურნირზე 33 შეხვედრაში მიიღო მონაწილეობა.