როგორც ბრიტანული მედია იუწყება, "მანჩესტერ იუნაიტედი" დავიდ დე ხეას ახალ, 5-წლიან კონტრაქტს შესთავაზებს, რის მიხედვითაც ესპანელი მეკარე კვირაში 350 ათას ფუნტს გამოიმუშავებს.
27 წლის დე ხეამ 2015 წელს "იუნაიტედთან" ახალი ხელშეკრულება გააფორმა მას შემდეგ, რაც მადრიდის "რეალში" მისი ტრანსფერი არ შედგა.
ესპანელის მოქმედი კონტრაქტი მომდევნო სეზონის ბოლოს იწურება, მაგრამ "იუნაიტედს" შეთანხმების დამატებით ერთი წლით გახანგრძლივების პერსპექტივა აქვს და მოურინიომ მიმდინარე წლის დასაწყისში მიანიშნა, რომ დავიდი ამ პუნქტის ამოქმედების წინააღმდეგი არ არის.
აღსანიშნავია, რომ გასულ ზაფხულს სერხიო რომერომ "მანჩესტერ იუნაიტედთან" კონტრაქტი გაახანგრძლივა. ახალი კონტრაქტით არგენტინელი მეკარე "იუნაიტედის" ღირსებას 2021 წლამდე დაიცავს. ხელშეკრულება ასევე ითვალისწინებს კონტრაქტის ავტომატურად 1 წლით გახანგრძლივებას.