როგორც უკვე ცნობილია, მადრიდის "რეალის" პორტუგალიელი სუპერვარსკვლავი კრიშტიანუ რონალდუ კლუბისგან ახალ გაუმჯობესებულ კონტრაქტს ითხოვს. ხუთგზის ოქროს ბურთის მფლობელი ფეხბურთელი, ფლორენტინო პერესისგან ანაზღაურების გაზრდის შემთხვევაში დასთანხმდება ახალ ხელშეკრულებას.

თუმცა როგორც Goal.com და Diario Gol.- იუწყება, სამეფო კლუბის პრეზიდენტი, კრიშტიანუსთვის ანაზღაურებას არ ზრდის და სწორედ ამიტომ, ფეხბურთელსა და პრეზიდენტს შორის უთანხმოება გაჩნდა, ამ ყველაფრით ინგლისური გრანდი "მანჩესტერ იუნაიტედი" სარგებლობს და ტოპ-ვარსკვლავს ბევრად უფრო გაზრდილ თამასუქს შესთავაზებს.

როგორც წყარო იუწყება, "მანკუნიანელები" დარწმუნებულები არიან რონალდუს "ოლდ ტრაფორდზე" გადმოსვლით. ვუდვორდი ყოფილ მანჩესტერელს ხელფასის სახით წლიურად 30 მილიონ ევროს გადაუხდის.

პორტუგალიელი სუპერვარსკვლავი 2008 წელს სწორედ "წითელი ეშმაკების" რიგებიდან შეუერთდა სამეფო კლუბს. "იუნაიტედში" ასპარეზობის დროს მან 118 გოლის გატანა შეძლო, მოიგო ერთი ოქროს ბურთი სხვა უამრავ ტიტულთან ერთად. შესაძლოა 10 წლის შემდეგ ლეგენდარული შვიადიანი "ოლდ ტრაფორდს" დაუბრუნდეს.


წყარო: ukrainefootball