საინტერესო გამოკითხვა ჩატარდა "იუნაიტედის" გულშემატკივრებისთვის. კერძოდ, "წითლების" ქომაგებმა მიმდინარე სეზონის ყველაზე კარგი და ყველაზე ცუდი ფეხბურთელი აირჩიეს.

გამოკითხვაში მონაწილეობა მხოლოდ "იუნაიტედის" გულშემატკივრებმა მიიღეს, დასახელდა კლუბის საუკეთესო ფეხბურთელი, ასევე ყველაზე წარუმატებელი მოთამაშე რომელმაც არასასურველ ნომინაციაში გაიმარჯვა. ფეხბურთელები ათბალიანი სისტემით შეფასდნენ.

Manchester Evening News - ის ცნობით, "მანჩესტერ იუნაიტედის", ამ სეზონის საუკეთესო ფეხბურთელად როგორც მოსალოდნელი იყო მეკარე - დავიდ დე ხეა დასახელდა, რომელმაც გულშემატკივრებისგან 8,7 ქულა მიიღო.

წლის ყველაზე ცუდი ფეხბურთელის სტატუსი კი მცველმა - მატეო დარმიანმა მიიღო, რომელიც ყველაზე დაბალი ქულათა რაოდენობით 2,7 ქულით შეფასდა, დარმიანს შემდეგ მოყვებიან ამჟამად უკვე "იუნაიტედის" ყოფილი ფეხბურთელი ზლატან იბრაჰიმოვიჩი 2,9 ქულით, და "წითლების" ახალწვეული ალექსის სანჩესი 3,7 ქულით.



წყარო: ukrainefootball