ფრანგი ფეხბურთელის შესახებ ცნობებს მისი მშობლიური ქვეყნის პრესაც აქტიურად ავრცელებს. ბოლოდროინდელი ცნობებით, პოგბასა და "იუნაიტედის" დამრიგებელ ჟოზე მოურინიოს შორის, ურთიერთობა ბოლომდე არ დალაგებულა და მცირე უთანხმოებას ადგილი ჯერ კიდევ აქვს.
თუმცა ფრანგული პრესის ფურცლებს თუ დავუჯერებთ, პოგბას გადაწყვეტილება უკვე მიღებული აქვს და ის "იუნაიტედიდან" წასვლას არ გეგმავს. იუწყება - Téléfoot. ასე, რომ მინიმუმ ერთი სეზონი, პოლ პოგბა "წითელი ეშმაკების" ღირსებას კიდევ დაიცავს.
პოლ პოგბა "იუნაიტედში" იტალიური კლუბიდან დაბრუნდა. მოგეხსენებათ ნახევარმცველი სწორედ "წითლების აკადემიიდან გადაბარგდა "ბებერი ქალბატონის" რიგებში.
"ოლდ ტრაფორდის" მესვეურებმა 24 წლის ფრანგში კოლოსალური თანხა 105 მილიონი ევრო გადაიხადეს რის შედეგადაც, "იუნაიტედის" ამჟამინდელ 6 ნომერმა გუნდთან 5 წლიან კონტრაქტს მოაწერა ხელი.