"მანჩესტერ იუნაიტედის" სატრანსფერო გეგმების ერთ-ერთ მნიშვნელოვან ნაწილს, გარეთ ბეილის მადრიდის "რეალიდან" "ოლდ ტრაფორდზე" გადმოყვანა შეადგენს. თავის მხრივ უელსელი ფეხბურთელი "ბლანკოსის" რიგებში თავის დამკვიდრებას და ძირითად შემადგენლობაში მოხვედრას ვერ ახერხებს.
თუ ესპანურ პრესას დვუჯერებთ, "რეალის" პრეზიდენტი ფლორენტინო პერესი, "იუნაიტედთან" ბეილის თაობაზე მოლაპარაკებებს მხოლკოდ ერთ შემთხვევაში გამართავს.
პრეზიდენტის მოთხოვნა კვლავ დავიდ დე ხეას უკავშირდება, ის მზად არის ბეილი იმ შემთხვევაში დათმოს, თუ "წითელი ეშმაკები" მეკარეს შეელევიან.
როგორც ჩანს ფლორენტინო დე ხეაზე კვლავ ფიქრობს, და არ კარგავს იმედს, რომ ესპანელი მადრიდული კლუბის ღირსებას დაიცავს. პრესა მიიჩნევს, რომ თუ ეს ტრანსფერი განხორციელდება, ეს იქნება ფეხბურთელების გაცვლა თანხის დამატების გარეშე.