ბოლო დროს, პრესა სულ უფრო აქტიურად წერს "იუნაიტედის" ფრანგი შემტევის ენტონი მარსიალის შესახებ. ზოგიერთი წყარო კი მას, ზაფხულის სატრანსფერო ფანჯრის გახსნისთანავე, კლუბის გამოცვლას უწინასწარმეტყველებს. ცნობილია იმ გუნდის ვინაობა ვინც ყველაზე მეტად ცდილობს ახალგაზრდა თავდამსხმელის გადაბირებას კერძოდ, ტურინის "იუვენტუსი" მზად არის 22 წლის ფეხბურთელი საკუთარ რიგებში იხილოს.
გავრცელებული ჭორების ფონზე, დუმილს არღვევს თავად ფეხბურთელის აგენტი ფილიპ ლამბოლი. მისივე განცხადებით ანტონი მარსიალის ირგვლივ აგორებული ყველა ჭორი ტყუილია და არ შეესაბამება იოტისოდენა სიმართლესაც კი.
აქამდე იტალიური პრესა იწერებოდა, რომ "ბებერი ქალბატონის" დირექტორი პაველ ნედვედი ლონდონში თავად შეხვდა მარსიალის ნდობით აღჭურვილ პირებს, რომელიც Doyen Sports- ის ორგანიზაციას განასახიერებდნენ, თუმცა ლომბოლიმა ამ ჭორებს სრული დეზინფორმაცია უწოდა.
"იუვენტუსი"? არა მე მათ არცერთ წარმომადგენელთან, რაიმე სახის შეხვედრა არ მქონია აღნიშნულ თემაზე სასაუბროდ. Doyen Sports- ი არ წარმოადგენს მარსიალის ინტერესებს, ხოლო რაც იტალიურმა პრესამ ამის შესახებ დაწერა არის სრული სიცრუე".- აცხადებს ლამბოლი iL Bianco Nero- სთან საუბრისას.
"შესაძლებელია თუ არა, რომ მარსიალმა კლუბი ზაფხულში დატოვოს? ამის შესახებ ვერაფერს გეტყვით. ამ მომენტისთვის მარსიალი ფოკუსირებულია ინგლისის საფეხბურთო ასოციაციის თასზე წარმატებით ასპარეზობაზე და ასევე პრემიერ ლიგის მეორე ადგილისთვის ბრძოლაში გუნდს დახმარებას გაუწევს, მეორე ადგილი კი მის კლუბს საშუალებას მისცემს მომავალ სეზონშიკ ევროპის ყველაზე პრესტიჟულ ტურნირზე კვლავ მიიღოს მონაწილეობა".- განაცხადა დასასრულს ფეხბურთელის აგენტმა.