ბოლო დროინდელი პრესის ფურცლები სავსეა ინფორმაციებით, თითქო "იუნაიტედის" ფრანგი ნახევარმცველი პოლ პოგბა უკმაყოფილოა გუნდში თავისი მდგომარეობით, ამას ემატება გუნდის დამრიგებელ ჟოზე მოურინიოსთან ფეხბურთელის არამდგრადი ურთიერთობა.
პრესა ალაპარაკდა იმაზე, რომ 24 წლის ფეხბურთელი ზაფხულის სატრანსფერო ფანჯრის გახსნისთანავე კლუბს აუცილებლად დატოვებს და კარიერას ესპანეთში გააგრძელებს.
Diario Gol- ს თუ დავუჯერებთ, პოგბას საკუთარ ახლო მეგობრებთან გულახდილი საუბრები ქონდა, საუბრის თემა კი მისი საფეხბურთო კარიერის სხვა კლუბში გაგრძელებას ეხებოდა. ზემოაღნიშნული წყაროს ცნობით, პოლს კატალონიის "ბარსელონაში" სურს ძალების მოსინჯვა.
ფრანგი ფეხბურთელი "წითელ ეშმაკებმა" 2016 წელს ტურინის "იუვენტუსიდან" სარეკორდო ფასად შეიძინეს. თუმცა როგორც ჩანს თავად ფეხბურთელს გუნდის ამჟამინდელ მენტორ ჟოზე მოურინიოს ხელმძღვანელოვბის ქვეშ ასპაარეზობა არ სურს.