ჰოლანდიელი სპეციალისტის ფრანკ დე ბურის ბოლო დროინდელი კომენტარები, "იუნაიტედის" პორტუგალიელი მწვრთნელის ჟოზე მოურინიოს ირგვლივ ტრიალებს. მისი მხრიდან კრიტიკა, გუშინდელი ჩემპიონთა ლიგის მერვედფინალური ეტაპიდან ინგლისური კლუბის გამოვარდნით უფრო გაძლიერდა.
"მოურინიოს შეუძლია მე განმიხილოს როგორც, პრემიერ ლიგის ისტორიაში ყველაზე ცუდი მწვრთნელი. თუმცა, შეხედეთ მას, მან გუნდის მშენებლობისთვის თითქმის ნახევარი მილიარდი დახარჯა და ის "იუნაიტედს" მსგავს ფეხბურთს ათამაშებს, რაც ჩვენ გუშინ ვიხილეთ".- განაცხადა BeIN Sports- ის პირდაპირ ეთერში ჰოლანდიელმა.
შეგახსენებთ, რომ აქამდე ჟოზე მოურინიომ დე ბურის კრიტიკას უპასუხა და განაცხადა, რომ ჰოლანდიელი სპეციალისტი პრემიერ ლიგის ისტორიაში ყველაზე წარუმატებელ მწვრთნელად ითვლებოდა, რომელსაც არცერთი მოგებული მატჩი და არცერთი გატანილი გოლი არ ქონია მის გუნდს მისი თაოსნობით.