ტურინის "იუვენტუსი" "იუნაიტედის" შემტევისთვის, ენტონი მარსიალის შეძენით დაინტერესებულ გუნდად აქამდეც ითვლებოდა, მაგრამ საუბარი დაინტერესების იქით არასდროს წასულა.
როგორც ჩანს, ტურინულ გრანდს სერიოზულად აქვს განზრახული "იუნაიტედიდან" მორიგი ფრანგი ტალანტის ხელში ჩაგდება, რომელსაც თავის მხრივ კონტრაქტი 2019 წლამდე აკავშირებს გუნდთან და გრძელვადიანი კონტრაქტი ამ დრომდე არ გაუფორმებია.
thetimes- ის ინფორმაციით, "ბებერი ქალბატონის" სპორტული დირექტორი, წარსულში ცნობილი ჩეხი ფეხბურთელი პაველ ნედვედი ლონდონში მხოლოდ "ტოტენჰემთან" გამართული დაპირისპირების საცქერად არ ჩასულა და მან მარსიალის აგენტთან შეხვედრაც მოასწრო.
მიმდინარე სეზონში ნაჩვენები კარგი თამაშის მიუხედავად, მარსიალმა ალექსის სანჩესის მოსვლის შემდეგ მეორე პლანზე გადაინაცვლა და ჟურნალისტების ვარაუდით, ეს ფაქტორი დიდ გავლენას იქონიებს ფრანგის მომავალზე.