მიმდინარე სეზონის დასრულების შემდეგ "იუნაიტედს" ფეხბურთელის რანგში დაემშვიდობება მაიკლ კერიკი და დიდი ალბათობით ჟოზე მოურინიოს სამწვრთნელო შტაბში გააგრძელებს მუშაობას, ფაქტიურად გადაწყვეტილია მარუან ფელაინის გუნდიდან წასვლის ამბავი, ასევე კითხვის ნიშნის ქვეშაა ანდერ ერერას მომავალი.
მიუხედავად იმისა, რომ ბოლო სეზონის საუკეთესო მოთამაშემ კლუბთან კონტრაქტი ერთი წლით გაახანგრძლივა, ნაკლებად სავარაუდოა ფეხბურთელმა, რომელსაც მსურველები სხვადასხვა ქვეყნიდან ყავს, დარჩენა მოინდომოს კლუბში სადაც სათამაშო პრაქტიკა ფაქტიურად არ ეძლევა.
მიუხედავად "იუნაიტედის" აღზრდილის, სკოტ მაკტომინეის კარგი თამაშისა, კლუბი ვალდებულია ახალ სახეებზე იფიქროს და მათ შესაძენად ქმედითი ნაბიჯები მსოფლიო ჩემპიონატის დაწყებამდე გადადგას.
გაჟღერებული სხვადასხვა გვარისა, როგორც ჩანს "იუნაიტედმა" საბოლოო არჩევანი ერიკ დაიერზე შეაჩერა, რომელიც "სპორტინგიდან" "ტოტენჰემში" გადასვლის შემდეგ, წლიდან წლამდე უმატებს და კლუბისთვის სარგებელი სხვადასხვა პოზიციებიდან მოაქვს.
გავრცელებული ინფორმაციით "მამლების" სპორტული დირექტორი, სარფიანი შეთავაზების შემთხვევაში ინგლისელის გასხვისების წინააღმდეგი არ იქნება. სწორედ ასეთად შეიძლება ჩაითვალოს ვუდვორდის მიერ გამოყოფილი 55 მილიონი ფუნტი.
ერიკ დაიერის მოსვლით, თავისუფლად გადაიჭრება როგორც ნახევარდაცვის ასევე ცენტრალური დაცვის პრობლემა, სადაც სტაბილურად თამაში "იუნაიტედის" არცერთ ფეხბურთელს არ გამოდის მიმდინარე სეზონში.