სიახლეს არ წარმოადგენს ის ფაქტი, რომ ინგლისური კლუბი მოურინიოს თაოსნობით, ზაფხულის სატრანსფერო ფანჯრის გახსნისთანავე რამოდენიმე ტრანსფერს განახორციელებს. პორტუგალიელის განცხადებით, კლუბში ახალი მცველები და ნახევარმცველები მოვლენ.
ცნობილია ასევე პორტუგალიელის ინტერესი ტურინის "იუვენტუსის" ბრაზილიელი მარცხენა მცველის, ალექს სანდროს მიმართ. ჟოზე ხელმძღვანელობას მცველისთვის შესაფერისი თანხის გამოყოფას სთხოვს.
როგორც Daily Mirror- იუწყება, "წითლები" მზად არიან ფეხბურთელის სანაცვლოდ 80 მილიონი ევრო გადაიხადონ. ეს ის თანხაა რომელიც სავარაუდოდ "ბებერი ქალბატონისთვის" უარის თქმის მიზეზი არ გახდება. გარდა სატრანსფერო ფასისა, "წითელი ეშმაკები" 27- წლის ფეხბურთელს, ხელფასის სახით გაორმაგებულ ციფრებს სთავაზობს, იმაზე ორჯერ მეტს ვიდრე ამჟამად მისი ხელფასია "იუვენტუსში".
მიმდინარე სეზონში, ბრაზილიელმა 29 მატჩის ჩატარება შეძლო, გაიტანა 3 გოლი და 5 შედეგიანი გადაცემაც ჩაიწერა საკუთარ აქტივში.