''მანჩესტერ იუნაიტედმა'' ბრწყინვალე გამარჯვება მოიპოვა ''კრისტალ პალასის'' წინააღმდეგ. წითლები ანგარიშით 2-0 მარცხდებოდნენ, მათ მოიკრიბეს ძალა, შეძლეს 3 გოლის გატანა და ქამბექის დადება. ''იუნაიტედიდან'' თავი სმოლინგმა, ლუკაკუმ და მატიჩმა გამოიჩინეს. მატჩის შემდეგ ''მანჩესტერის'' მწვრთნელმა ჟოზე მოურინიომ კომენტარი გააკეთა.
ყოველთვის მჯერა, რომ გამარჯვება შეგვიძლია
''ვფიქრობ ''პალასს' უნდა მივულოცოთ, რადგან ასეთი ლამაზი მატჩი, რომ შედგეს საჭიროა ორი გუნდი. ეს იყო ფანტასტიკური შეხვედრა. ჩემთვის მატჩი ძალიან რთული გამოდგა, რადგან ჩემმა გუნდმა ძალიან ბევრი შეცდომა დაუშვა. ვითამაშეთ მაღალი ხარისხის ფეხბურთი მეორე ტაიმში, თუმცა გვქონდა უამრავი შეცდომა დაცვაში. მე არ მიყვარს, როდესაც ჩემი გუნდები ორგანიზებულობას კარგავენ, როგორც ეს დღეს დაგვემართა, თუმცა მატჩი გამოდგა ბრწყინვალე და ძალიან მნიშვნელოვანი ჩვენთვის. მათმა მეორე გოლმა ყველაფერი გაართულა, თუმცა სმოლინგმა მალევე უპასუხა და ეს ძალიან დაგვეხმარა, მე მჯერა რომ ყოველთვის შეგვიძლია გამარჯვება. მე ეს მჯეროდა დღესაც.''
ფეხბურთელებმა არ დაკარგეს თავიანთი თავის რწმენა
''სამარცხვინო, ბავშვური გოლის შემდეგ შეიცვალა ყველაფერი. ჩვენი მდგომარეობა გართულდა თუმცა ფეხბურთელებმა არ დაკარგეს რწმენა. ხუან მატა მოედნის შუა ნაწილში, შესანიშნავად პოულობდა სივრცეებს, ასევე რაშფორდი კარგად ავიწროვებდა მათ მარჯვენა მცველს და გვიხსნიდა სივრცეებს. ყოველთვის საჭიროა ცოტა გამართლება, იმისთვის რომ ბოლო წუთებზე თამაში მოიგო.''
რა უთხარით ფეხბურთელებს შესვენებაზე?
''მე არ შემიძლია ყველაფრის თქმა, თუმცა მათ ვესაუბრე ტაქტიკაზე და პოზიციურ გადაადგილებებზე.''
ქებას იმსახურებს ''კრისტალ პალასის'' მწვრთნელი.
''როი ჰოჯსონმა დაიმსახურა მეტი, რადგან მისი გეგმა იყო ძალიან კარგი, აგრესიული და ძლიერი. ის ზუსტად ხვდებოდა როდის უნდა შეეტია, ვფიქრობ კარგი იყო. როგორც წესი გამარჯვებული იღებს ქულებს, თუმცა როიმაც დაიმსახურა ისინი.''
ამ გამარჯვებამ კომფორტულ სიტუაციაში დაგვტოვა
''ჩვენ გვსურს, რომ სეზონი დავასრულოთ მეორე პოზიციაზე. თუ მეორე ადგილზე ვერ გავალთ აუცილებელია, ვიყოთ საუკეთესო ოთხეულში. ახლა ჩვენ კომფორტულ სიტუაციაში ვართ ქულების მხრივ. დღეს, თუ გავითვალისწინებთ, რომ ანგარიშით 2-0 ვმარცხდებოდით, ქულაც ძალიან კარგი იქნებოდა ჩვენთვის.''
მომდევნო მატჩს ''იუნაიტედი'' 10 მარტს გამართავს ''ლივერპულის'' წინააღმდეგ.