UEFA-მ ჩემპიონთა ლიგისა და ევროპა ლიგის ჯგუფურ ეტაპზე მოხვედრის წესებში ცვლილებები შეიტანა.

ახალი წესების თანახმად:

- 26 გუნდი პირდაპირ საგზურს მოიპოვებს UEFA-ს ჩემპიონთა ლიგის ჯგუფურ ეტაპზე - მათ შორის ჩემპიონთა ლიგის გამარჯვებული და ევროპა ლიგის გამარჯვებული - თავისუფალი რჩება ექვსი ადგილი.

- UEFA-ს ჩემპიონთა ლიგის საკვალიფიკაციო ეტაპიდან გავარდნილი ყოველი გუნდი მიიღებს მეორე შანსს UEFA-ს ევროპა ლიგის ჯგუფურ ეტაპზე მოხვედრისთვის.

- UEFA-ს ევროპა ლიგის ჯგუფურ ეტაპზე 17 გუნდი პირდაპირ საგზურს იღებს, ათი გუნდი კი UEFA-ს ჩემპიონთა ლიგის პლეი-ოფიდან და მესამე საკვალიფიკაციო ეტაპიდან გადავა ევროპა ლიგაზე, პლუს 21 საკვალიფიკაციო ადგილი იქნება ორი სხვადასხვა ხაზიდან (UEFA-ს ევროპა ლიგის ჩემპიონები და ჩემპიონატის მონაწილეები).

- ჯგუფური ეტაპის ფორმატში ცვლილებები არ არის, მაგრამ მატჩები UEFA-ს ჩემპიონთა ლიგასა და UEFA-ს ევროპა ლიგაზე ჩატარდება ორ სხვადასხვა დროს.

UEFA-ს ჩემპიონთა ლიგა

ჯგუფური ეტაპი

- ამიერიდან 26 გუნდი ავტომატურად გავა UEFA-ს ჩემპიონთა ლიგის ჯგუფურ ეტაპზე UEFA-ს სიაზე დაფუძნებით.

2018/19 წლებში ჯგუფურ ეტაპზე ითამაშებენ...

UEFA-ს ჩემპიონთა ლიგის გამარჯვებული (1)
UEFA-ს ევროპა ლიგის გამარჯვებული (1)
რეიტინგში პირველ 4 ასოციაციის 4 საუკეთესო გუნდი: ესპანეთი, გერმანია, ინგლისი, იტალია (16)
რეიტინგით მე-5 და მე-6 ადგილზე მყოფი ასოციაციის 2 საუკეთესო გუნდი: საფრანგეთი, რუსეთი (4)
რეიტინგში მე-7, მე-8, მე-9 და მ-10 ადგილზე მყოფი ასოციაციის ჩემპიონები: პორტუგალია, უკრაინა, ბელგია, რუსეთი (4)

- თუ UEFA-ს ჩემპიონთა ლიგის გამარჯვებული ჯგუფურ ეტაპზე შიდა ჩემპიონატიდანაც გადის, მის ვაკანტურ ადგილს შეავსებს რეინტინგში მე-11 ადგილზე მყოფი ასოციაცია (ჩეხეთი), რომელიც წინააღმდეგ შემთხვევაში ჩემპიონთა ხაზში ითამაშებს.

- თუკი UEFA-ს ევროპა ლიგის გამარჯვებული ჯგუფურ ეტაპზე შიდა ჩემპიონატიდანაც ხვდება, ვაკანტურ ადგილს შეავსებს რეიტინგში მეხუთე ადგილზე მყოფი ასოციაციის (საფრანგეთი) მესამე ადგილოსანი გუნდი.

- თითოეულ ასოციაციას მაქსიმუმ 5 გუნდი შეიძლება ჰყავდეს ჯგუფურ ეტაპზე.

წყარო:
UEFA.com