"მანჩესტერ იუნაიტედის" მთავარმა მწვრთნელმა ჟოზე მოურინიომ განაცხადა, რომ პრემიერ ლიგის საუკეთესო ექვს გუნდთან რომელუ ლუკაკუს ცუდი შედეგიანობა არ აღელვებს.
ლუკაკუმ, რომელიც "იუნაიტედს" 75 მლნ. ფუნტი დაუჯდა ზაფხულის სატრანსფერო ბაზარზე, მიმდინარე სეზონში უკვე 21 გოლი გაიტანა, მაგრამ ტოპ-ექვსეულის წინააღმდეგ ჯერ არცერთი გოლი არ გაუტანია.
მაგრამ ასეთი სტატისტიკა არ აშინებს მოურინიოს, რომლის გუნდიც კვირას "ჩელსის" დაუპირისპირდება. ჟოზე მოგვიწოდებს, რომ რომელუ მხოლოდ გატანილი გოლებით არ განვსაჯოთ.
"ამაზე არ ვღელავ. მან 21 გოლი გაიტანა - ეს კი არც ისე ცუდია. ფეხბურთელებს ისე არ ვაფასებ, როგორც თქვენ. მაშინაც კი, როცა რომელუს გოლი ვერ გააქვს, მისით მაინც კმაყოფილი ვარ. სხვა ასპექტების ანალიზირებას თუ მოვახდენთ, ყველაფერი რიგზეა", - განაცხადა მოურინიომ.