ფელაინის შესახებ აგორებული ჭორები დასასრულს უახლოვდება. მოგეხსენებათ, ფეხბურთელმა "წითელი ეშმაკების" მიერ შემოთავაზებულ ახალ კონტრაქტზე უარი განაცხადა. მიზეზად სახელფასო განაკვეთი სახელდებოდა რომელიც მარუანს ახალი კონტრაქტის თანახმად არ აკმაყოფილებდა.

აღნიშნულის შემდეგ, ნახევარმცველის შესაძენად თურქული კლუბები გააქტიურდნენ. თავდაპირვველად ჭორები ფელაინის "ბეშიქთაშს" უკავშირებდნენ თუმცა, როგორც თურქული გამოცემა Ajansspor- იუწყება, ფელაინიმ კონტრაქტი "გალათასარაისთან" შეათანხმა.

ხელშეკრულების თანახმად, მოურინიოს შეგირდი "გალათასარაის" ღირსებას 4 წლის ვადით დაიცავს. კონტრაქტი ასევე ითვალისწინებს ვადის ამოწურვის შემდეგ ავტომატურად ერთი წლით გახანგრძლივების პუნქტს.

მარუან ფელაინის "ოლდ ტრაფორდზე" კონტრაქტი სეზონის დასასრულს ეწურება, რაც იმას ნიშნავს, რომ თურქულ კლუბს მის შესაძენად თანხის გამოყოფა არ მოუწევს და ბელგიელი ახალ კლუბს თავისუფალი აგენტის სტატუსით შეუერთდება.

ბელგიელი "წითელი ეშმაკების" ღირსებას მეექვსე წელია იცავს. შეგხსენებთ ის კლუბმა 2013 წელს ინგლისური "ევერტონიდან" შეიძინა.



წყარო: euro-football