"მანჩესტერ იუნაიტედი" ცენტრალური მცველის ძიებაშია, რაფაელ ვარანის და ტობიას ალდერვეირელდის გარდა ხელმძღვანელობა სხვადასხვა ვარიანტს განიხილავს. "იუნაიტედის" ყოფილი კაპიტანი გარი ნევილი გაშვებული გოლების სიმცირის მიზეზად დავიდ დეხეას და ნემანია მატიჩის კარგ თამაშს თვლის და ცენტრალური მცველის შეძენას აუცილებლობად მიიჩნევს.

იტალიური პრესა, რომელიც, უნდა აღინიშნოს, პირველი იყო ვინც აქტიურად დაუკავშირა "იუნაიტედი" და ალექსის სანჩესი, ირწმუნება რომ მოურინიო ცენტრალურ მცველს იტალიურ ბაზარზე ეძებს და ასეთებად 3 კანდიდატს ასახელებს :

1. კოსტას მანოლასი - ეროვნებით ბერძენი ფეხბურთელი სტაბილურად ასპარეზობს როგორც საბერძნეთის, ასევე "რომას" შემადგენლობაში, მისი შეძენით ინტერესდებოდა ლონდონის "ჩელსი", მიმდინარე სეზონში კოსტასი ჩემპიონთა ლიგაზე თამაშის გამოცდილებასაც იღებს.

2. კალიდუ კულიბალი - კულიბალი ფიზიკურად უძლიერესად მომზადებული ცენტრალური მცველია, რომელსაც პირადად დიეგო მარადონაც აქებს. რაულ ალბიოლთან ერთად შესანიშნავი დაცვის დუეტი აქვს შექმნილი და "ნაპოლის" წარმატებულ თამაშში საკუთარი, საკმაოდ დიდი წვლილი შეაქვს, ამ მომენტისთვის კალიდუ სერია ა-ს მოსაგებად იბრძვის და პარალელურად ევროპა ლიგაზე "ლაიფციგის" ბარიერის გავლას ცდილობს.

3. მილოშ სკრინიარი - ზემოთ ჩამოთვლილი ფეხბურთელებისგან განსხვავებით მილოში მიმდინარე სეზონში ევრო სარბიელზე არ თამაშობს, მაგრამ მისი შიდა ჩემპიონატში დამაჯერებელი თამაში შეუმჩნეველი არ დარჩენიათ ევროპული გრანდების ხელმძღვანელებს.

წყარო : m.calciomercato.com