"მანჩესტერ იუნაიტედის" ნახევარმცველი პოლ პოგბა ინგლისის თასის მეხუთე რაუნდში "ჰადერსფილდთან" მატჩს ავადმყოფობის გამო გამოტოვებს, მის ადგილს კი აკადემიის აღზრდილი ითენ ჰამილტონი დაიკავებს.

ახალგაზრდა შოტლანდიელმა ფეხბურთელმა UEFA-ს ახალგაზრდულ ლიგაზე შვიდი მატჩი ჩაატარა და ერთი გოლი გაიტანა ნიკი ბატის გუნდის შემადგენლობაში. 19 წლის ფეხბურთელი "იუნაიტედის" 23-წლამდელთა გუნდის რეგულარული წევრია და პარასკევს "ჩელსისთან" მატჩშიც ითამაშა.



ჰამილტონისთვის ეს პირველი შემთხვევაა, რომ პირველი გუნდის განაცხადში ხვდება და კლუბის ოფიციალური საიტი ადასტურებს, რომ იგი 48 ნომრიან მაისურს მოირგებს.

წყარო: manutd.com