ჟოზე მოურინიოს განცხადების შემდეგ, რომ გუნდი ზაფხულში მხოლოდ უკანახაზელებით გაძლიერდება, არ წყდება ჭორები და სპეკულაციები სხვადასხვა მცველის გარშემო. ესპანური პრესისგან განსხვავებით, რომელიც ნომერ პირველ კანდიდატ სამუელ უმტიტის ასახელებს, "ტელეგრაფი" ასეთად ტობიას ალდერვეირელდს მიიჩნევს.

"საუთჰემტონის" ყოფილი მოთამაშე ახალ გუნდში იდეალურად ასპარეზობს, "პრემიერ ლიგაში" ერთ-ერთ საუკეთესო სტატისტიკას აჩვენებს და "ტოტენჰემს" სამ ფრონტზე წარმატების მიღწევაში ეხმარება. ბელგიელი რომელმაც მოირჩინა ტრამვა, "ტოტენჰემის" რიგებში ბოლოს წინა სეზონს ატარებს, ბოლო სეზონის დასაწყისიდან გამოსასყიდი ფასი 25 მილიონი ფუნტი გაუხდება, რაც მისი დონის მოთამაშისთვის, დღევანდელი ფასების ფონზე ძალიან პატარა თანხაა.

მცირე რაოდენობის გაშვებული ბურთების მიუხედავად, დაცვის ხაზში პრობლემები შესამჩნევია "იუნაიტედის" უკანა ხაზში. სხვა და სხვა სირთულისა და ხანგრძლივობის ტრამვებმა, პორტუგალიელ სპეციალისტს საშუალება არ მისცა ოპტიმალური დაცვის დუეტი ჩამოეყალიბებინა.

გუნდში საკმარისზე მეტი ცენტრალური მცველების ყოფნის მიუხედავად, გაუვალისა და უშეცდომოს სახელით მხოლოდ ერიკ ბაილი სარგებლობს, რომელმაც ფაქტიურად ნახევარი სეზონი გააცდინა ტრამვის გამო.

ალდერვეირელდისადმი ინტერესს იჩენს ლონდონის ჩელსიც, რომელსაც ანალოგიურად მცირე რაოდენობის გოლი აქვს მიღებული საკუთარ კარში, რაც უფრო კურტუას კარგი თამაშის დამსახურებაა, ვიდრე დაცვის ხუთეულისა.

წყარო : www.telegraph.co.uk