ალექსის სანჩესი "იუნაიტედს" ზამთრის სატრანსფერო ფანჯრის მიმდინარეობისას შეუერთდა. მისი ტრანსფერიდან არცისე დიდი დროა გასული, თუმცა ჩილელი საკუთარ მიზნებზე უკვე ალაპარაკდა და აცხადებს, რომ ის "ოლდ ტრაფორდზე" ყველა შესაძლო ტურნირის მოსაგებად მოვიდა. გარდა ამისა, ჟურნალისტებისთვის მიცემულ ინტერვიუში სნჩესმა "იუნაიტედს" ინგლისში საუკეთესო კლუბი უწოდა.
"მე ვფიქრობ, რომ "მანჩესტერ იუნაიტედი" ინგლისში საუკეთესო კლუბია. მე არ ვიძახი ამას მხოლოდ იმიტომ, რომ ამ კლუბის ღირსებას ვიცავ, მინდა გითხრათ, რომ სრულიად გულწრფელი ვარ. ინგლისში რა თქმა უნდა ბევრი დიდებული კლუბია, მათ შორის "არსენალიცაა".
როდესაც აქ მოვედი, როდესაც კლუბის ემბლემას შევხედე, ვიფიქრე, რომ "იუნაიტედმა" ყველაფერი უნდა მოიგოს, ეს შესაძლებელია, კლუბის ლოგო მომავალ გამარჯვებებზე მეტყველებს.
მე აქ მოვედი, იმისთვის, რომ გავიმარჯვო. მინდა ხმამაღლა განვაცხადო, "იუნაიტედში" ყველა შესაძლო ტიტულის მოსაპოვებლად მოვედი, წინააღმდეგ შემთხვევაში მე ამ კლუბში არ ვიქნებოდი". ციტირებს ალექსისის სიტყვებს Sky Sports.