"წითლებს" პერიშიჩის გადაბირება კვლავ სურთ.
მედია არაერთხელ იწერებოდა იმის შესახებ, რომ ინგლისური გრანდი "მანჩესტერ იუნაიტედი", აქტიურად ინტერესდებოდა იტალიური "ინტერის" ხორვატი ვინგერით ივან პერიშიჩით. როგორც ჩანს, მოურინიოს მისი ხილვა საკუთარ გუნდში კვლავ სურს.
როგორც უკვე ჟოზე მოურინიომ განაცხადა, ის კმაყოფილია მისი გუნდის შემტევი რესურსით და არ აპირებს ამ კუთხით გუნდის გაძლიერებას, თუმცა გავრცელებული ინფორმაციით, "მანჩესტერში" პერიშიჩზე ფიქრს კვლავ არ წყვეტენ.
ცნობილი გამოცემა Mirror- ის ცნობით, ზაფხულის სატრანსფერო ფანჯრის გახსნისთანავე, "ოლდ ტრაფორდის" მესვეურები იტალიელებს შეთავაზებას გაუკეთებენ და ფეხბურთელის შეძენას ეცდებიან. ეს შეთავაზება კი იმ შემთხვევაში მოხდება, თუ "ინტერი" წლევანდელ სეზონში ჩემპიონთა ლიგის საგზურს ვერ მოიპოვებს.
მიმდინარე სეზონში, ხორვატი ფეხბურთელის ანგარიშზე იტალიის ჩემპიონატში ჩატარებულ შეხვედრებიდან 7 გოლი და 6 საგოლე პასია. აღსანიშნავია ის ფაქტი, რომ პერიშიჩს ჩემპიონთა ლიგაზე ასპარეზობა სურს, მისი გუნდი კი ბოლოდროინდელი წარუმატებელი შეხვედრების გამო მე- 4 ადგილზე იმყოფება, მეხუთეადგილოსან "რომას" კი მხოლოდ 1 ქულით უსწრებს.
წყარო:
euro-football