მოსალოდნელია, რომ ივან რაკიტიჩი ზაფხულში "ბარსელონას" დატოვებს, მისით კი პრემიერ ლიგაში ინტერესდებიან.

ესპანური გამოცემა Don Balon-ი ამტკიცებს, რომ "მანჩესტერ იუნაიტედი" და "მანჩესტერ სიტი" ბოლო კვირების განმავლობაში ხორვატ ფეხბურთელთან მოლაპარაკებებს მართავდნენ.

დიდი ალბათობით, ივანი გუნდს სეზონის ბოლოს გამოეთხოვება, რასაც ამყარებს "ლივერპულიდან" ფილიპ კოუტინიოს გადასვლას "ნოუ კამპზე", თუმცა ამჟამინდელი მდგომარეობა, რომლის დროსაც იგი ერნესტო ვალვერდეს გუნდში მუდმივად ძირითად შემადგენლობაშია, ამის თქმის საფუძველს არ იძლევა.

კოუტინიოს გარდა რაკიტიჩს კონკურენტებად ჰყავს სერხი რობერტო, პაულინიო და ანდრეს ინიესტაც, სხვა გუნდში გადასვლა კი მუდმივად თამაშის გარანტიას მისცემდა.

გაზეთები იუწყებიან, რომ რაკიტიჩმა მოლაპარაკებები გამართა პეპ გვარდიოლასა და ჟოზე მოურინიოსთან, მაგრამ ჯერჯერობით არცერთ კლუბს არ გაუკეთებია ოფიციალური შეთავაზება "ბარსელონასთვის".

წყარო: express