მადრიდის "რეალი" დე ხეას არ ეშვება, როგორც ჩანს "იუნაიტედის" ესპანელ მეკარეზე პერესი სერიოზულად ფიქრობს. მადრიდული კლუბის პრეზიდენტს, დე ხეას შეძენა გასულ სეზონებშიც სურდა, თუმცა შეთანხმება დღემდე ვერ მოხერხდა.

ვრცელდებოდა ჭორები, რომ "რეალი" დე ხეას საბოლოოდ შეეშვა და მათი ინტერესი "ატლეტიკის" ახალგაზრდა მეკარეზე კეპა არისაბალაგაზე გადაერთო, თუმცა დე ხეა მათთვის შეუცვლელ კანდიდატად რჩება.

"იუნაიტედი" ესპანელი კიპერის დაკარგვას ადვილად არ აპირებს და მათ, ფეხბურთელს სატრანსფერო ფასი უკვე დაასახელეს. როგორც გამოცემა Cadena Ser - იუწყება, "წითლების" ფასი 100 მილიონ ევროდან იწყება. სწორედ ეს ფასია მინიმუმი, რომელიც "ოლდ ტრაფორდის" ბოსებმა დე ხეას დაადეს.

ესპანელი მიმდინარე სეზონში შესანიშნავ ფორმაშია, მის ანგარიშზე უკვე პრემიერ ლიგაში ჩატარებული 24 მატჩიდან, 14 შეხვედრაში მშრალად შენახული კარია. რაც ამ ეტაპზე პრემიერ ლიგაში საუკეთესო მჩვენებელია.



წყარო: euro-football