ლუკას მოურამ ჟოზე მოურინიოს მიანიშნა, რომ მისი შეძენა შესაძლებელია, რადგან "პარი სენ-ჟერმენში" ბედნიერი არ არის.

ბრაზილიელ ფეხბურთელს ბოლო კვირების განმავლობაში აქტიურად უკავშირებდნენ "მანჩესტერ იუნაიტედს" და მას შემდეგ, რაც განაცხადა, რომ ინგლისური ფეხბურთელი ძალიან მოსწონს, ასევე აღიარა, რომ მისი ამჟამინდელი მდგომარეობით კმაყოფილი არ არის.

25 წლის ფეხბურთელს 13 დეკემბერს საფრანგეთის ლიგის თასზე "სტრასბურგთან" ჩატარებული მატჩის შემდეგ არ უთამაშია.

"დიდი დარტყმაა. შეძრწუნებული ვარ, რომ აღარ მეძლევა თამაშისა და თავის წარმოჩენის საშუალება.

არ ვარ ბედნიერი. ვფიქრობდი, რომ ამ კლუბში კარგად მოვეწყობოდი, მაგრამ ასე სულაც არ არის", - განაცხადა მოურამ.

"იუნაიტედმა" მოურას შეძენა 2013 წელსაც სცადა, მაგრამ მაშინ "საო პაულოს" ფეხბურთელმა პარიზში გადასვლა ამჯობინა.

მიიჩნევა, რომ მოურას თამაში ჟოზე მოურინიოსაც ხიბლავს და გამომდინარე იქიდან, რომ უნაი ემერი მისი სამსახურით აღარ ინტერესდება, პორტუგალიელს ბრაზილიელის შეძენა ახლა შეუძლია.

ემერიმ "იუნაიტედს" ბიძგიც მისცა:

"ლუკას მოურას ვუთხარი, თუ რას ვფიქრობდი მასზე, როგორც ფეხბურთელზე. მთელი ჩემი პატივისცემის ფონზე ვფიქრობ, რომ სხვა კლუბში უფრო მეტ სათამაშო დროს მიიღებს".

"იუნაიტედი" არ არის ერთადერთი კლუბი, რომელიც მოურათი ინტერესდება. "წითლებს" კონკურენციის გაწევა მოუწევთ "ტოტენჰემისა" და "არსენალისთვის".

წყარო: M.E.N.