როგორც ცნობილია, ჰენრიხ მხითარიანი "არსენალში“ სამედიცინო შემოწმების გასავლელად ლონდონში ჩავიდა. SkySports.com-ის ინფორმაციით, სომხეთის ეროვნული ნაკრების შემტევი ინგლისის დედაქალაქს ეწვია და უახლოესი დღეების განმავლობაში სამედიცინო შემოწმებას გაივლის.

გავრცელებული ინფორმაციის თანახმად, "მანჩესტერ იუნაიტედი“ მხითარიანს "არსენალის“ ჩილელ თავდამსხმელ ალექსის სანჩესში გაცვლის.

განვითარებულ მოვლენებს "მეთოფეების" მთავარი მწვრთნელი, არსენ ვენგერი გამოეხმაურა და განაცხადა, რომ ამ მომენტში მხითარიანის გადმობირება საუკეთესო გამოსავალი იყო. შეგახსენებთ, რომ ალექსისის შეძენით "მანჩესტერ სიტი" ინტერესდებოდა.

"სანჩესი წავიდა, მაგრამ მის ადგილზე ასევე მაღალი კლასის ფეხბურთელი მოდის. ვფიქრობ, ჩვენ საუკეთესო გამოსავალი ვიპოვეთ მხითარიანის გადმობირებით" - განაცხადა ფრანგმა სპეციალისტმა.