ალექსის სანჩესისა და ჰენრიკ მხითარიანის ტრანსფერების განხორციელება უკვე დასრულებულია, ჩილელი "იუნაიტედის" ხოლო სომეხი ფეხბურთელი "მეთოფეების" ღირსებას დაიცავს. როგორც უკვე ცნობილია ფეხბურთელებმა მომავალი კლუბების მედპერსონალის თაოსნობით სამედიცინო შემოწმება უკვე გაიარეს.

BBC - ის ცნობით, ტრანსფერის ოფიციალურობას ინგლისური კლუბები ამ კვირაშივე დადასტურებენ. საქმე ეხება მხოლოდ ფეხბურთელებისთვის სამუშაო ნებართვების გაცემას. სწორედ ეს მცირე ნიუანსი აყოვნებს იმას, რომ "წითელ ეშმაკებმა" ჩილელი შემტევი აქამდე ოფიციალურად ვერ წარადგინეს.

რაც შეეხება კვირის იმ დღეს, რომელიც "მანჩესტერის" გულშემატკივრებს ოფიციალურად გაახარებს, წყაროს ცნობით ეს ამ კვირის სამშაბათ დღეს მოხდება.

ასე და ამგვარად, ალექსის სანჩესის სატრანსფერო საგა დასასრულს ოფიციალურად უახლოვდება. სავარაუდოდ ჩილელი "იუნაიტედში" შვიდ ნომრიან მაისურს მოირგებს. პრემიერ ლიგის წლევანდელ სეზონში, არსენ ვენგერის უკვე ყოფილ შეგირდმა, შვიდი გოლი და სამი საგოლე გადაცემა მიითვალა საკუთარ აქტივში.



წყარო: euro-football