ზამთრის სატრანსფერო ფანჯრის გახსნისთანავე, დაიწყო ჭორები ანტუან გრიზმანის მომავლის გარშემო. პრესა ავრცელებდა ურთიერთ გამომრიცხავ ინფორმაციას. ბრიტანული პრესა გრიზმანის მომავალს ინგლისურ კლუბებს უკავშირებდა, ესპანური კი ჯიუტად ამტკიცებდა, რომ "ბარსელონა" გრიზმანს, ნეიმარის შეცვლის ნომერ პირველ კანდიდატად განიხილავდა.

მიუხედავად იმისა, რომ ზაფხულის სატრანსფერო ფანჯრის დროს თავად ფრანგმა ფეხბურთელმა "მანჩესტერში" გადაბარგება უფრო შესაძლებლად ჩათვალა ვიდრე შეუძლებლად, ესპანური "მარკა" და "ას" სხვადასხვა მოსაზრებით ამყარებდა მათ მიერ გავრცელებულ ინფორმაციას, ერთ-ერთ ასეთად შეიძლება ჩაითვალოს თითქოს და "ბარსელონას" სპორტული დირექტორისა და გრიზმანის დის (რომელიც მისი აგენტია) რესტორანში შეხვედრა, სადაც უნდა გადაწყვეტილიყო ანტუანის მომავალი.

ინგლისური პრესის ვარაუდი გრიზმანის მანჩესტერული მომავლის შესახებ მართლაც დადგა ეჭვქვეშ, რადარზე სანჩესის გამოჩენის შემდეგ, რომელმაც შესაძლოა "იუნაიტედისთვის" უაღრესად მნიშვნელოვანი 7-იანი დაისაკუთროს.

არავისთვისაა უცნობი, რომ გრიზმანი ექს "მანჩესტერელ" დევიდ ბექჰემის დიდი თაყვანისმცემელია და ბევრი ვარაუდობდა, მისთვის მისი კუმირის ნომრის შეთავაზება ერთ-ერთ გადამწყვეტ ფაქტორად იქცეოდა.

დღეს გავრცელებული ინფორმაციით "ბარსელონამ" ყველა ჭორი უარყო და დაადასტურა, რომ არავითარ მოლაპარაკებას გრიზმანთან არ აწარმოებს.

მოცემული სიტუაციით "იუნაიტედი" ფრანგისთვის ბრძოლაში უკონკურენტოდ შეიძლება ჩაითვალოს, თუ კი იქნება მთავარი მწვრთნელის მოთხოვნა, ვუდვორდი და პოლ პოგბა (რომელიც გრიზმანის უახლოესი მეგობარია) ტრანსფერის განხორციელებას შეუდგებიან.

წყარო: skysports.com