სატრანსფერო ფანჯრის გახსნის დღიდან არ წყდება საუბრები პოტენციური ახალწვეულების შესახებ. სწორედ ამ სპეკულაციებმა გადაფარა სიახლეები, რომლებიც უკვე "მანჩესტერ იუნაიტედის" მოქმედი ფეხბურთელების გარშემო გავრცელდა.

სიახლე არავისთვისაა, რომ "მადრიდის რეალის" ნომერ პირველი სამიზნე, ბოლო სეზონებში დავიდ დე ხეაა. მადრიდელები ახლოსაც იყვნენ მის გაფორმებასთან, მაგრამ ფაქსთან დაკავშირებული პრობლემის გამო ესპანელი ბრიტანეთში დარჩა.

"მანჩესტერ იუნაიტედმა" თავი დაიზღვია და ესპანელს გაუმჯობესებული კონტრაქტი გააფორმა რომელიც, მიუხედავად იმისა 2019 წელს იწურება, არის პუნქტი რომელიც მის ერთი წლით ავტომატურად გაგრძელებას გულისხმობს.

კლუბის ტელევიზიასთან მიცემულ ინტერვიუში მოურინიომ დაადასტურა, რომ გუნდი არა მხოლოდ ერთი წლით გაგრძელებას, არამედ გრძელვადიანი კონტრაქტის შეთავაზებას აპირებს. "მანჩესტერის" ბოსის სიტყვებით მისტერ ვუდვორდი შეუსვენებლად მუშაობს ამ და სხვა მნიშვნელოვან საკითხებზე.

კვლავ უცნობია სერხიო რომეროს მომავალი, რომელიც მიუხედავად მისი ჯანმრთელობისა, არ გაემგზავრა გუნდთან ერთად დუბაიში, ვერ მოხვდა "სტოკთან" განაცხადში. როგორც ჩანს გავრცელებული ჭორები, რომეროს კლუბის დატოვების სურვილის შესახებ, მართალი აღმოჩნდა. კარს მომდგარი მსოფლიო ჩემპიონატის წინ, არგენტინელი მეკარე რეგულარულ სათამაშო დროზე ფიქრობს, რაც გახდება გარანტი დარჩეს ნომერ პირველ მეკარედ, არგენტინის ეროვნულ ნაკრებში.