სანჩესის "არსენალიდან" ტრანსფერის საგა ზამთრის სატრანსფერო ბაზარზე ყველაზე აქტუალურია და დღის წესრიგში სწორედ ეს თემა დგას. თითქმის ყველა საინფორმაციო საშუალება ამაზე წერს, ფაქტი ერთია რომ ჩილელი "მეთოფეებს" დატოვებს, თუ სად წავა "იუნაიტედში" თუ "სიტიში" ეს ამ წუთამდე გაურკვეველია.

საინტერესო ინფორმაციას ავრცელებს express, წყაროს ცნობით მედიას აღნიშნულ თემაზე ჩილეს ეროვნული ნაკრების ერთ-ერთ ფეხბურთელმა ისაუბრა, ვინობის გამხელა კი არ ისურვა და ინკოგნიტოდ დარჩა. ალექსისის კოლეგის თქმით, სანჩესს "იუნაიტედში" თამაში სურს.

"ის რაც სანჩესს სურს არის "მანჩესტერ იუნაიტედში" თამაში, ის ამის მისაღწევად ყველაფერს გააკეთებს". - აცხადებს ჩილეს ნაკრების ერთ-ერთი ფეხბურთელი რომელიც მის ვინაობას არ ასაჯაროებს.

ვრცელდება ინფორმაციები თითქოს "ოლდ ტრაფორდის" მესვეურებმა ფეხბურთელთან პირად კონტრაქტზე სიტყვიერ შეთანხმებას უკვე მიაღწიეს თუმცა კლუბთან ფორმალური მხარეების მოგვარება ჯერ კიდევ პროცესშია.

მიმდინარე სეზონში ჩილელმა შემტევმა არსენ ვენგერის გუნდში, პრემიერ ლიგის ეგიდით 19 მატჩი ჩაატარა, 7 გოლით და 3 საგოლე გადაცემით კი საკუთარი აქტივი შეავსო.


წყარო: express