სულ უფრო აქტიური ხდება ჭორები იმის შესახებ, რომ მიმდინარე სატრანსფერო ფანჯრის დროს "ატლეტიკოს" ფრანგი ფეხბურთელი ანტუან გრიზმანი, გუნდს შეიცვლის. მისი დაკავშირება კი ინგლისურ გრანდთან "მანჩესტერ იუნაიტედთან" ხდება.

ანტუანის გადაბირების შესახებ ორ კლუბს შორის მოლაპარაკებები უკვე მიმდინარეობს, თუმცა შესათანხმებელი რჩება ისეთი მნიშვნელოვანი დეტალები, როგორიც გრიზმანის მომავალი ანაზღაურება იქნება "ოლდ ტრაფორდზე".

როგორც The Sun - იუწყება, თავად ფეხბურთელს "წითელი ეშმაკების" ხელმძღვანელობისგან, ხელფასის სახით კვირაში 450 ათასი ევრო სურს, ხოლო "წითლების" შემოთავაზება ამ ეტაპზე 325 ათასი ევროა კვირაში. დათანხმდებიან თუ არა "იუნაიტედის" მესვეურები ფრანგის მოთხოვნილებებს ამ ეტაპზე უცნობია.

მიმდინარე კონტრაქტი გრიზმანს მადრიდულ კლუბთან 2022 წლამდე აკავშირებს, რაც იმას ნიშნავს, რომ "წითლებს მისი ყიდვის შემთხვევაში ამ ხელშეკრულების ბოლომდე გამოსყიდვა მოუწევთ. ლა ლიგის ამ სეზონში 26 წლის ფეხბურთელის ანგარიშზე 5 გოლი და 4 საგოლე გადაცემაა გაკეთებული.




წყარო: euro-football.ru