"იუნაიტედი" ნახევარდაცვის გაძლიერებას გეგმავს. "წითლებს" პრემიერ ლიგის ერთ-ერთი წარმატებული ფეხბურთელის შეძენა სურთ, მოურინიოს სამიზნეზე "მეთოფეების" გერმანელი ნახევარმცველი მესუთ იოზილია, რომლის შეძენასაც ამ სატრანსფერო ფანჯარაზე აპირებს.
"წითლების" მესვეურები შემოთავაზებას ზრდიან და ლონდონურ კლუბს, მსუყე წინადადებას სთავაზობენ. კერძოდ, "ოლდ ტრაფორდის" მესვეურები მზად არიან "არსენალს" იოზილის სანაცვლოდ 40 მილიონ ევრო შესთავაზონ.
წარმოშობით თურქ ფეხბურთელს, "მეთოფეებთან" მიმდინარე კონტრაქტი ექვს თვეში ეწურება, თუმცა ადრე გავრცელებული ჭორების თანახმად იოზილს კლუბის შეცვლა და ახალი გამოწვევების მიღება სურს.
მიმდინარე სეზონში, იოზილმა "არსენალის' შემადგენლობაში 18 მატჩი ჩაატარა, სადაც თავის გამოჩენა 4 გოლით და 5 საგოლე გადაცემით შეძლო. ლონდონურ კლუბმა მესუთი 2013 წელს მადრიდის "რეალიდან" გადმოიბირა.