"წითელი ეშმაკების" ესპანელი ნახევარმცველი ხუან მატა, იტალიური კლუბის სამიზნეზეა. კერძოდ ხუანის გადაბირებას მილანის "ინტერი" შეეცდება. შესაძლოა ამ სატრანსფერო პერიოდის დროს, მატამ კარიერა სერია A - ში გააგრძელოს.

"ნერაძური" შეტევის ხაზის გაძლიერებას გეგმავს. როგორც ჩანს, ესპანელი ვინგერი, მათი აზრით ამაშე ყველაზე მეტად დაეხმარება. შეგახსენებთ, მატამ მიმდინარე კონტრაქტი "იუნაიტედთან" 2019 - წლის ზაფხულამდე გაახანგძლივა. თუმცა კლუბის თავკაცს, ჟოზე მოურინიოს ჯერ კიდევ ვერ გადაუწყვეტია მატა დარჩება თუ წავა მისი გუნდიდან.

პრემიერ ლიგის წლევანდელ სეზონში, მატას გუნდში ძირითადი ადგილი გარანტირებული ნამდვილად არ აქვს. თუმცა, ბოლო რამოდენიმე მატჩია ჟოზე მას ენდობა და შეხვედრებს ესპანელი სასტარტო შემადგენლობიდან იწყებს. ჩემპიონატში ჩატარებული მატჩებიდან მატამ "წითლების" გულშემატკივრები 3 გოლით და ამდენივე საგოლე გადაცემით გაახარა.

ესპანელი ოლდ ტრაფორდზე 2014 წელს ლონდონის "ჩელსიდან" გადაბარგდა. აღსანიშნავია ისიც, რომ "მანჩესტერის" დღევანდელ შემადგენლობაში ყველაზე მეტი გოლი სწორედ მატას ანგარიშზეა.



წყარო: euro-football.ru