არახალია ის, რომ ცნობილი სპორტული გამოცემები, უკვე დიდი ხანია "ატლეტიკოს" ფრანგ თავდამსხმელ ანტუან გრიზმანს, წითელ ეშმაკებს უკავშირებენ. როგორც Daily Star იუწყება, წითლების დამრიგებელ ჟოზე მოურინიოს, ფეხბურთელის გაფორმება ზამთრის სატრანსფერო ფანჯრის გახსნისთანავე სურს.

თავდაპირველად, მოურინიო მზად იყო ანტუანის გადმობირება ზაფხულში მომხდარიყო სეზონის დასასრულს. როგორც ჩანს ჟოზემ ეს გადაიფიქრა და თავისი გუნდის მნიშვნელოვნად გაძლიერება განსაკუთრებულს სეზონის ამ ეტაპზე სურს. გუნდის მხრიდან 26- წლის ფეხბურთელისთვის შეთავაზებული ხელფასი, შეიძლება 300 ათას ფუნტ სტერლინგს შეადგენდეს. დაზუსტებით ხელფასის ოდენობა ამ ეტაპზე უცნობია.

შეგახსენებთ, რომ მადრიდული კლუბი, ჩემპიონთა ლიგის გათამაშებას გამოეთიშა. ეს კიდევ ერთი მიზეზი იმისა, რომ გრიზმანმა კლუბის დატოვება და პრესტიჟულ ტურნირზე ასპარეზობა ისევ შეძლოს მისი მომავალი კლუბის მაისურით.

ამ სეზონში, ფრანგმა მადრიდელების შემადგენლობაში ყველა ტურნირზე 7 გოლი და 5 საგოლე გადაცემა მიითვალა პირად ანგარიშზე. მიმდინარე კონტრაქტი გრიზმანს ატლეტიკოსთან 2022 წლამდე აკავშირებს, რაც იმას ნიშნავს, რომ მის მსურველ ნებისმიერ კლუბს მისი კონტრაქტის გამოსყიდვა მოუწევს.



წყარო: euro-football.ru