"მანჩესტერ იუნაიტედის" გულშემატკივრები, საფეხბურთო საზოგადოების ყურადღების მიპყრობას ცდილობენ იმასთან დაკავშირებით, რომ თუ როგორ აპირებს "სევილია" გამდიდრებას, წითლების გულშემატკივრების ხარჯზე, ყოველგვარი დასაბუთების გარეშე , სტუმართა სექტორებში, ადგილებზე ბილეთების გაძვირებით.
ესპანეთის "სევილიამ" წითელი ეშმაკების ქომაგთათვის 2450 ბილეთი გამოყო ჩემპიონთა ლიგის მატჩისთვის, რომელიც ესპანეთში გაიმართება. ერთი ბილეთის ფასი 89 ფუნტი სტერლინგი ეღირება. დამატებით 200 ბილეთი გაიყიდება 133 ფუნტ სტერლინგად. ეს ბილეთები ყველაზე ძვირადღირებული ბილეთი იქნება "მანჩესტერ იუნაიტედის" ქომაგთათვის ისტორიაში, ჩემპიონთა ლიგის ამ ეტაპისთვის.
საგულისხმოა ისიც, რომ "სევილიაში" სტუმრობის დროს, "ლივერპულის" და "ლესტერის" გულშემატკივრებისთვის, ესპანურმა კლუბმა ბილეთის ფასი 54 ფუნტი დაადგინა. ამ ფაქტის გათვალისწინებით "იუნაიტედის" გულშემატკივრებს უჩნდებათ კითხვა - რა მიზეზით მოხდა ბილეთის ფასების ასეთი გაძვირება?
გულშემატკივართა ასოციაცია M.U.S.T. უკვე დაუკავშირდა "მანჩესტერ იუნაიტედის" წარმომადგენლობას, ასევე ევროპის გულშემატკივრების გაერთიანების ასოციაციას (FSE). მათ ასევე მოამზადეს ოფიციალური წერილი უეფასთვის და სხვა სადამკვირვებლო ორგანიზაციებისთვის, რათა შეაფასონ "სევილიას" მენეჯმენტის ქმედებები.